Saturday, December 10, 2011

කහවනු පෙනේ මේ කෙත් යාය පුරා.......


නලලත දිගේ දහඩිය බිදු ගලමින්නේ
දෑතේ කරගැටේ නිරතුරු මෝරන්නේ
ගිනියම් හිරු කිරණ ගත මත වැටෙමින්නේ
මේ හැම දුක් සුසුම් අපි හැම ඉවසන්නේ

සිහිලැල් සුළග පාවී රන් ගොයම මැදින්
එන්නේ සුවද රටහාලේ බත් පතකින්
දොලේ දියෙන් දෑත තෙමා නියර උඩින්
දිව භොජුනකිය අඹු ගෙනෙනා ඇඹුල ඉතින්

නිලට නිලේ දිලෙනා වෙල් දෙනිය මතින්
සුදුමුදු ජල කදකි ගලමින්නේ එමැදින්
දෙපසට නැමෙන රන්වන් කරලේ පැහැයෙන්
හිත බර වුනා බෝ සතුටින් නෙතේ තුටින්

දහඩිය කදුළු මුසු වී මේ පවන පුරා
අද දැනෙනවා ජීවන සුවදක් හමනා
වැහිදිය මතින් කල විස්කම් අපි සැවොමා
රන් කහවනු පෙනේ මේ කෙත් යාය පුරා

No comments:

Post a Comment

මතක සටහනක් අකුරු කරලා යන්නත් අමතක කරන්න එපා........