Monday, January 23, 2012

සෙල්ලම්ද කොල්ලෝ "බලාපියව් මෙන්න මෙහෙමයි ඩිෆ් ගහන්නේ"


ඔන්න කස්ටියට අළුත් කතාවක් අරගෙන අදත් ආවා මේ ටිකේම ලියන්න බැරි වුනා අප්පා.....සිංහල කොටන්න ගියාම එපා වෙනවා කොල්ලෝ....කොහොම වුනත් පාසල් කාලේ වෙච්ච සුන්දර කතාවක් ඕං අද අකුරු කලා..
මෙන්න මේකයි සිද්ධිය.....

ඔය ස්කෝලේ යන කාලේ අපි හිටියා පාසලේ නායක සංසදේ.හරිම සුන්දර තැනක් ජීවිතයේ ගොඩාක් දේවල් කල්පයත් ඉගෙන ගත්තේ , වැඩි දියුණු කර ගත්තේ එතැනින්.අපේ හිටියා 16 දෙනෙක්.සේරමලා එක සෙට් එකක්....ආයෙත් කතා කරන්න දෙයක් නෑ...

ඔන්න ඉතින් දවසක්දා අපේ ඔය සංසදේ භාර සෑර් උදේ පාන්දරම කට්ටියම පෝලිම් කලා පොඩි රැස්වීමකට කියලා....

ඔය අපේ සර් ඉන්නවනේ,අපි ආදරේට කියන්නේ “ලුකා“ කියලා.....මොකද දන්නවද මචංලා එයාගේ නමට ඉස්සරහින් එහෙම අකුරු දෙකක් තියෙනවා.මම හිතන්නේ වාසගම වෙන්න ඇති.ඔය අපේ වැලා නම් කියන්නේ ඒකෙන් කියන්නේ පානුයි ලුකයි කේස් එකක්ලු..අනේ මන්දා ඉතින් ඒක උගේ ප්‍රජාතන්ත්වාදී වාග් නිදහසනේ අපිත් ඉතින් ඔළුව වනලා බාර ගත්තා.

හරි හරි ...ඔන්න ඉතින් සර් ලගට ආවා.....හරිම ශාන්ත ගමනින් නැවතිල්ලේ අඩිය තිය තිය....අපිත් ඕං ඒ දිහා කට ඇරගෙන බලන් හිටියා...

නයි කයිද රෝස්පාන්...ලගට ආවමයි දැක්කේ මූණ...අකලට ගහපු කලාබරයක් වගේ...අනිවා අපේ ගුස්පියෙක්ගේ මොකක් හරි ජිල්මාට් වැඩක් මාට්ටු වෙලා ඇති..නෑ නෑ අපේ කේස් එහෙම මාට්ටු වෙන්න විදියක් නෑ....අනික අපි හොද ලමයිනේ ..ඉතින් නොදැනුවත්ව හෝ වැරද්දක් වෙන්න විදියක් නෑ බොලේ...

ඔන්න ඉතින් සර් දෙයියනේ කියලා ඉස්සෙල්ලම කිට්ටු වුනේ අපේ පූස් දිහාවට..ඌට එහෙම කියන්නේ උගේ උගුරේ මයිල් හැදෙනවා ඒකයි....හි හි ...පූසුත් ටිකක් තක්බීර් වෙල්.ඇයි හත්වලාමේ මේ උදේ පාන්දර මොන ගුන්ඩුවක්ද දන්නේ නෑනේ!!

“තොපිලා වල් බල්ලෝ .....උඹලට කියන් සිංහලක් තේරෙන්නේ නෑ.........නේ..කවුද යකෝ...........අර කොල්ලෙක්ට උඩ දාගෙන ...ගහලා තියෙන්නේ.....උඹලා දන්නව.....ද? උගේ තාත්තා පොලිසීයෙලු ..දැන් බලා පල්ලා......උඹලා කරන මේ වැඩ නිසා මටත් පොලිසි ගානේ යන්න වෙනවා....කියපිය කවුද ඒ වැඩේ කලේ කියලා...“ සර් බෙරිහන් දෙනවා....

සේරමලා එක එකාගේ මූන බලනවා...

“අඩේ මේ මොන හෙන ගෙඩියක්ද බං..කවුද දන්නේ තාත්තා පොලිසීයේ කියලා.“ ජොන්ටි හිමීට මගේ කනට කෙදිරුවා..
“ඒකනේ බං ගහද්දී වත් උන් කිව්වේ නෑනේ....මොකටද බං උන්ට ගැහුවේ“ මම රනේට කිව්වා..
“ඇයි යකෝ උඹත් ගැහුවනේ ...මගෙන් මුකුත් අහගන්නේ නැතුව ඉදහන්“ රනේ මට කියපි.

තුන් දෙනාගේ කුසු කුසුව ඇහිලද කොහෙද සර් අපේ පැත්තට ආවා...

“මොක්කද බොලේ......බොලාගේ ඔය කතා...ව.“
හරි දැන් නම් සොරි ඩොට් කොම් තමා..
“මම දන්නවා කවුද මේ වැඩේ කලේ කියලා....උඹලම කියනවද?? නැත්නම් මම ඉස්සරහට ගන්නද? “ මිනිහට දැන්නම් ඌරුජුවල්..

අම්මා ගහයි බැට් එකෙන් ......

පිටිපස්සේ මල්ලිලා ටිකක් සෙල්ලම් කල නිසා උන්ගේ ඇගේ වදින නිසා රනේ ටිකක් ඉස්සරහට වුනා..හරිනේ පරිප්පුව..
“ආ ඔය එන්නේ .....වරෙන් වරෙන් “ සර් ඉන්නේ නම් ෆට්ටා හැපි එකේ ...හරියට නිකන් ෂර්ලොක් හෝම්ස් ගේම් එකක් දුන්නා වගේ..අපේ එවුන් සේරම ටියුබ් ලයිට් වෙලා වෙච්ච සීන් එක දැකලා..

අපේ එවුන් එහෙම තනි කරන පුරුද්දක් අපිට නෑ..මමත් ගියා ඉස්සරහට
“ආ ඔය එන්නේ හීන් නූල් ගේම් දෙන එවුනුත්“ ආයේ පිස්සුවක් ඇතැ මම ගහන ගේම් සේරම ගහන්නේ තංගුසෙන්මයි .සර් බයිලා කතා කරනවා.

මෙන්න බොලේ ඒ පාර රනේත් ඉස්සරහට ආවා.හුරේ දැන් නම් හිතට ටිකක් ගැම්මක් ආවා..
දෙයියෝ සාක්කි....යන්න වුනේ විනාඩියයි අපේ සේරම එවුන් ඉස්සරහා.කොහොමද සෙට් එකේ ෆිට් එක.සර් නිකන් අන්දුන් කුන්දුන් වෙලා බලන් ඉන්නවා..

“මේ මොන උලව්වක්ද බොල....දහයක් විතර එක පොල්ලකින් ගැහුවෙ අහවල් විදියටද?....කෝ කෝ අදාල නැති එවුන් පස්සට ගියා නම්..“ කරන්න දෙයක් හිතා ගන්න බැරිව සර් කෑ ගහනවා...
අපි යයි පස්සට එහෙම ඉදිරියමට තිබ්බ පය අපි එහෙම ලේසියෙන් හොලවන්නේ නෑ..කට්ටියම හෙල්ලුනේවත් නෑ..
දැන් නම් සර් කාරයට හොදටම මල....අයේ හෝදන්න දෙයක් නෑ...

“හරි උඹලා සෙට් එකට කරන්නේ හොද වැඩක් ...ඒත් දැන ගනියව් බොලා මට කරන්නේ ** වැඩක්...ඒක මතක තියා ගනිල්ලා...ගහපිය ඔක්කොම ඩිෆ්. Down යනවලා සේරමලා...“ සර්ට අසූ හාරදාහට නැගලා..

බලාපල්ලකෝ උදේ පාන්දරම පෝරියල්...

“ඇයි දන්නේ නැද්ද උඹලා ඩිෆ් එකක් ගහන්න වත්...මහ ලොකුවට ගහගන්න යන්නේ..“

ඇයි හත්වලාමේ අපි එහෙම ගැහුවේ නෑනේ...දෙකක් තුනක් ඇන්නා විතරයි ඒකත් අපේ එකෙක්ට සද්දයක් දාලා...ඕක ඉතින් මහ දෙයක් යෑ...ඒ කොල්ලා ඊට පහුවෙනිදම අපිත් එක්ක ඇවිත් කතා කරලා ෆිට් වුනා..කොහේවත් ඉන්න එවුන්ටනේ මේකේ උණ තියෙන්නේ ...මට නම් සිරාවටම රතු කට්ට පැන්නා...

“ඇයි උඹලට ඒකත් උගන්වන්න ඕනිද? එහෙනම් බලාපිය මෙන්න මෙහෙමයි ඩිෆ් ගහන්නේ“ සර් බාස්කට් බෝල් ක්‍රීඩාංගනේ Down ගියා...

“1 Down”
“2 Down”
“3 Down”
“හරියට බලා ගනිල්ලා පපුව බිම ගෑවෙන් නොගෑවෙන ගාන“
“4 Down”
“5 Down”

“පස්ස පැත්ත ඉස්සෙන්න බෑ...ඇගට සමාන්තරව යන්න ඕන...මෙන්න මේ විදියට “ අප්පට සිරි ලුකා සර් හිටු කියලා ඩිෆ් ගහනවා...බලන් ඉන්න ආසාවේ බෑ..

“7 Down”
“8 Down”
“9 Down”
“ඔන්න අන්තිම එක බලාගන්නවලා හරියට 10 Down“ ගින්දර වගේ ඩ්ෆ් 10ක් ලුකා සර් ගැහුවා...නහයෙන් කටින් දාඩිය බේරෙනවා සර්ගේ....හරි අමාරුවෙන් නැගිටලා කලිසමේ ගෑවිච්ච වැලි ටික පිහිදලා දැම්මා.....
අපිටත් දැන්නම් දුකේ බෑ..මොනා කරන්නද??

අඹ ගහේ ජම්බු...

ඩිං ඩොං....... ඩිං ඩොං......ඩිං ඩොං......

පලවෙනි පීරීයඩ් එකේ ඉවර වෙන බෙල් එක ගැහුවා.කට්ටියම එක එකාගේ මූණවල් දිහා බලපි...

“1 වෙනි එක ඉවරයි නේ....දැන් පන්ති වල වැඩනේ? මටත් 9 පන්තියක් තියෙනවා....“සර් කියපි

“ඔව් සර් අපිටත් ලැබ් එකේ chemistry ප්‍රැක්ටිකල් එකක් පරක්කු වුනොත් අවුල්....“ මම හොට දාලා කිව්වා....

“හරි එහෙනම් කට්ටියම දැන් යනවලා ..ස්කෝලේ ඇරුණම හෝල් එක ගාවට එනවා“ මූණ ඇඹුල් කරන් සර් කිව්වා.එහෙම කියලා ලුකා සර් ඔෆිස් එක පැත්තට හැරුනා...

ඒ වචනය කටින් පිට වුනා විතරයි අපි කෙලින්ම නැවතුනේ අපේ රූම් එකේ...දුකට සතුටට හැමට ඒකනේ ....
“මගේ අම්මේ නූලෙන් බේරුනේ“ පූස් කිව්වේ පුටුවක වාඩි වෙන ගමන්

“අනිවා අනිවා.....නැත්නම් කපෝතියි ආ....දැක්කනේ වෙච්ච දේ“ කට්ටා කිව්වා.
“රපට පාං.... පාං.... පපං..“රාමෙත් කතාවට එකතුවුනා...
“ඒක නෙමේ බං අපි දැන හෝ නොදැන අර කොල්ලට ගැහුවා..“කොටා කතාවකට මුල පිරුවා...“

“ඉතින් ඉතින්“ ගොරෝ සුපුරුදු පරිදි කකුල දැම්මා..
“මේකනේ මචාං අපි ඌට ගැහැවා....ඉතින් අපිනේ වැරැද්ද කලේ...“
“ඔව් ඔව්“
“එහෙනම් මොල උලව්වකටද බං උදේ පාන්දර දාඩිය පෙරාගෙන,වැටීගෙන පෙරලීගෙන ලුකා සර් අපේ ඉස්සරහා අරම ඩිෆ් ගැහැවේ....“කොටා විරිත්තලා කිව්වා..

“නැවතිල්ලේ බැලුවම ඒකත් ඇත්තනේ බං අපි කන්න ඕන පෝරියල් එක ඒ මනුස්සයනේ කෑවේ.....අනේ මන්දා...මතකයි නේ ඩිෆ් 10 ගහලා ඉවර වෙලා කලිසමත් පිහිද ගත්තා...“මම කිව්වා.
“ඒකනේ බං කරපු අපි මේ ආතල් එකේ ඉන්නේ....කොහේ වත් යන අර මනුස්සයා උදේම ෆට්ට කට්ටක් තමා බොල කෑවේ..“ රනේ කිව්වා...

“අපි එහෙමයි දත් මදින්නේ....!! “ කොටා දත් 28 ම විරිත්තලා කිව්වා.....



කලින් කතා ටිකත් කියවන්න මෙතනින් යන්න යාළුවනේ....

ඇහට කනට පේන එකක් ගලවපියෝ...

රෑ පානේ බෑවා අපි වෑවරේ.....

Monday, January 16, 2012

විශ්ණු දෙවියනුත් බට කොළ කෑවලු.....

කොහොමද යාලුවනේ ඔන්න ටික දවසකට පස්සේ ආයෙත් අවා දේව ඉතිහාසයේ ලස්සන කතාවක් අරගෙන.මීට කලින් දාපු කතා දේව කතා වලට හොද ප්‍රතිචාරයක් තිබ්බා ඇත්තටම ගොඩාක් සතුටුයි ඒ ගැන .මොකද ඒවා තමා ගොඩාක් වටින්නේ මට..

හරි වැඩි කතා ඕන නෑ මෙන් මේකයි අද කතාව.

ඔයාලා අහලා තියෙනවද අපේ සමහර ආච්චිල,සීයල කියනවා මොකක් හරි හේතුවක් නිසා කෙනෙක් අන්ත අසරණ තත්වයට වැටුනම මෙන්න මෙහෙම කතාවක් ....

“ඕවා ගනන් ගන්න කාරණා නොවේ...පුතේ, අහලා ඇතිනේ නරක කාලේ විශ්ණු දෙවියොත් බට කොල කෑවයි කියලා“

ඔන්න ඉතින් ඕක කොයි තරම් අහලා තිබ්බත් ඕක ගැන හරි විස්තරයක් දන්නේ නෑ නේද....ඇත්තමට මමත් මගේ සීයාගෙන් තමයි මේ කතාව පොඩි කාලේ ඇහුවේ.දැන් ඉතින් ඔයාලත් එක්ක බෙදා ගන්නයි මේ ලෑස්තිය..

මේ කතාව ගෙතෙන්නේ විශ්ණු දෙවියන්, හා සෙනසුරු වටා.....

මේ ඉන්නේ යාළුවනේ විශ්ණු දෙවියන්...දන්නවනේ මෙයාගේ වාහනේ තමා ගුරුළා....

හරි ඕං නමෝ විත්තියෙන් කතාව පටන් ගන්නම්...

ඔය සෙනසුරු කියන දේවතාවා ටිකක් නපුරු ඒ වගේම දඩබ්බර කෙනෙක් .
එයාව දැකලා නැත්නම් බලා ගන්නකෝ මේ ඉන්නේ එයා තමයි....


ඇයි මතක ඇතිනේ අර මහසෝනාගේ ඔළුව ගැලවුන වෙලේ වලස් ඔළුව සවි කලෙත් හෙනහුරා (සෙනසුරු) තමා.

ඒ කතාව කියෙව්වේ නැත්නම් මෙතනින් ගිහින් කියවලා එන්නකෝ....
මට හිතෙන්නේ නරක මිත්‍ර ආශ්‍රය තමා...

ඉතින් අපිට වගේම තමා ඔය දෙවියන්ටත් කාල චක්‍රය අනුව අදාල කාලයට අදාල ග්‍රහයින් ලබනවා...තමාගේ ජීවන පෙල්ගැස්මට අපිට වගේම ඔවුන්ටත් ඒක බලපානවා.ඉතින් අහලා ඇතිනේ අපේ අයත් ඔය අපල ග්‍රහයින් ලැබුවම නොයෙක් ආකාරයේ පුද පූජා පවත්වනවා ඒවායින් සිදුවන කරදර මගහැරවා ගන්න.

ඔන්න අපේ කතා නායකතුමා ඒ කියන්නේ විශ්ණු දෙවියන් කියන්නේ හරිම බලගතු ඒ වගේම ලස්සන දෙවි කෙනෙක්.විශ්ණු දෙවියන්ගේ බිසව තමයි ශ්‍රී මහා ලක්ෂ්මී දේවිය.අහලා ඇතිනේ මගෙ යාළුවො ඒ දේවිය ගැන එයා තමයි ධනයට අධිපති දේවිය.ඔයාලා ලංකාවේ ප්‍රයිවට් බස් වල ගිහින් තියෙනවනම් මෙයාගේ රූන නොදකින්න විදියක් නෑ.ඉතින් විශ්ණු ලක්ෂ්මී දෙන්නා ගොඩාක් ආදරෙන් සතුටින් කාලය ගත කලා.



ඔන්න ඔහොම කාලය ගත වෙද්දී විශ්ණු දෙවියන්ගේ සෙනසුරු දසාව ලං වුනා.අපේ යාළුවෝ අහලා ඇතිනේ සෙනසුරු කියන්නේ ටිකක් අපල ග්‍රහයෙක්.එයාගේ කාල පරාසයට කරදර බාධක එමටයි.

ඉතින් කොහොමින් කොහොම හරි විශ්ණු දෙවියන්ටත් හෙනහුරා ලැබුවා.ඕං ඉතින් සෙනසුරු ලැබුව දවසේ ඉදලම විශ්ණුට හරි කරදර .කල කෝලාහල වැඩි...මිනිස්සු වගේම තමා පවුල් ආරවුල්...දේව සභාවේ ප්‍රශ්ණ....දිනෙන් දිනම මේ තත්වය උග්‍ර වෙන්නට පටන් ගත්තා.කාලය ගත වෙත්ම විශ්ණු අන්ත අසරණ දුගී තත්වෙට වැටුනා.දේව සභාවේ ඔහු ඇති කරගත් ආරවුල් හේතුවෙන් විශ්ණු හට අනිත් දෙවියන්ගේත් ඇල්ම බැල්ම අඩු වුනා....අපල කාලය වැඩි වත්ම තම ධනයද ක්‍රමයෙන් හීන වී යනු ඔහුට දැනුනා ...
ඉතින් අවසානයේ ඔහු අපේ ව්‍යවහාරය අනුව පාරට වැටෙන තත්වයට පත්වුනා.ඔන්න බලන්න දෙවියන්ටත් යන කල..

තමා මෙහෙම දුක් විදින බව අනික් දෙවියන් දැනගතහොන් තමාට ලොකු නින්දාවක් බව විශ්ණු වටහා ගත්තා.ඉතින් විශ්ණු ඇත් වේශයක් මවාගෙන වනගත වුනා.දිව්‍ය ලෝකේ වගේ නෙමේනේ යාළු කැලයේ ඉතින් දිව්‍ය භෝජන නෑනේ..ඒක නිසා ව්ශ්ණුට කන්නට වුනේ ගස් වල කොල පොතු තමා..ඇත් වේශයකින් සිටි නිසා විශ්ණ වැඩිපුරම කෑවේ බට කොල.කාලය කෙමෙන් කෙමෙන් ගෙවී ගියා විශ්ණු කැලයට වී හෙනහුරාගෙන් බේරීමට බට කොල කකා සිටියා..ඔන්න සත් අවුරුද්දකට පසු අපලය ඉවර වුනාම විශ්ණු ආයෙත් කැලයෙන් එලියට විත් දිව්‍ය විමානයට වැඩම කලා..සුපුරුදු පරිදි දේව දූතයන් පිරිවරාගෙන ඔහු වාසය කලා..ඉතින් ටික දිනකට පසු හෙනහුරා විශ්ණුගෙ මන්දිරය අසලින් ගමන් කරන වෙලාවක විශ්ණුව මුණ ගැසුනා..ඉතින් විශ්ණු හෙනහුරා දිහා බලලා කිව්වලු මෙන්න මෙහෙම..

“කෝ උඹ කාට අපල කලත් මට වින කරන්න උඹට බැරි වුනානේ හෙනහුරෝ“

ඉතින් මගෙ යාළුවනේ හෙනහුරත් ඇගට පතට නෙදැනී මෙහෙම කිව්වලු....

“ඇයි විශ්ණු දිව්‍ය භෝජන වලදපු ඔබතුමා කැලේකට වෙලා බට කොල කාපු එකම මදිද අපලෙට“
මද සිනාවකින් එසේ කියූ හෙනහුරා තමා ආ ගමන යන්න පිටත් වුනා...

ඉතින් හිතන්න යාළු විශ්ණු දෙවියනුත් සෙනසුරු අපලයේදී බට කොල කෑවා නම් අපට මොන කතාද?..ඔන්න ඕකයි විශ්ණු දෙවියන් බටකොල කෑව සිද්ධිය .....



ඉතින් මගෙ යාළුවනේ විශ්ණුගෙන් පස්සේ ග්‍රහ චක්‍රයට යට අනුව සෙනසුරා ලබන්න තිබුනේ ගණ දෙවියන්ට.දන්නවනේ එයාගේ හැටි මොකක් හරි සෙල්ලමක් දාලා බේරෙන්න ඇති. ඊලග කතාවෙන් ඒකත් අරන් එන්නම්.......ජය වේවා!!!

Sunday, January 15, 2012

අන්සතු වූ මල


හිදින්නට පෙම් පිරූ ඔය තුරුලේ
අද හිදින්නට මට වරම් නෑ මිතුරේ
මා පෙම් කලත් ඔබ නෑ පෙමින් බැදුනේ
දකින විටදී හද හඩයි ඔබ
අන් අයෙකු තුරුලේ.....

නෙතග බැල්මෙන් මා වශීකල
නුඹේ නිල් නෙතු බොදවෙලා අද
දැනෙන මේ දුක් ගින්න පැතිරී
ඇවිලිලා මගේ හදේ සිව්කොන....

නෙඑනු මැන පෙරමගට ආයේ
මුණ ගැසෙන්නට මගේ අභියස
දරන්නට බෑ මෙවන් දුක්කද
වැඩිය මහ සාගරේ ජලකද....

Saturday, January 14, 2012

රබන් සුරල් වැයේ හඩින්.......

කොහොමද කට්ටියට ...අද නං ඔන්න මම ආවේ කතාවක් අරන් නම් නෙමේ මේක මේ මට වෙච්ච පොඩි කේස් එකක්.මෙන්න මේකයි මගේ කාමරේ මාස 7,8 ක ඉදලා තිබ්බා සායම් පෙට්ටියක්...ඉතින් ඕක ඒ මේ අත පෙරලල බැලුවට මොකද යාළුවනේ මෙලෝ වැඩක් ගත්තේ නෑ..ඕං දවසක් නිකමට ඕක ඇරලා පොඩි ආට් පාරක් දාන්න සෙට් වුනා.දෙයියනේ කියලා සායම් ටිකක් අරන් වතුර ටිකක් දැම්මා දිය කර ගන්න.පුදන කොටම කාපි යකා කියලා මේ රෙද්ද දියවුනේ නෑනේ....ඉතින් කල්පයත් සායම් පෙට්ටිය පොඩ්ඩක් එහෙ මෙහේ හරවලා බැලුවා.

නයි කයිද රෝස්පාන්...
මේක තෙල් සායම් පෙට්ටියක්නේ බොලේ....මොනා කරන්නද දැක්කේ නෑ ඒ විත්තියක්.කල්පයත් “දැනුවත් වීම සදහා පමණයි“ කෙමිස්ට්‍රි සර් ගේ ඔය පන්ති පැත්තේ කරක් ගහපු හින්දා නිකමට හිතුනා මේකට සෙට් වෙන්නේ දිය කරන්න තෙලක් තමා කියලා.මොන තෙල්ද කියලා නම් මතකෙට ආවේ නෑ....කෙලින්ම රන් එක දුන්නා කුස්සියට, ඉස්සුවා පොල්තෙල් බොතලේ,ගෙනාවා කාමරේට මගේ වැඩේට...(ඔන්න ඉතින් දැන් ඔය වෘතිතීමය චිත්‍ර ශිල්පීන් කියන්න එපා තෙල් සායම් ,පොල්තෙල් වලින් දිය කරන්නේ නෑ මිනිහෝ කියලා...වෙන්න ඇති ඒත් මම ඔය මගුල් දන්නේ නෑ අතට අහුවුනේ පොල්තෙල් හි හි හි)

ඉතින් ඔන්න පැන්සලෙන් පොඩියට ලාවට ඇදලා...මුළු දවසම ගියා පාට කරන්න.මොකෝ හත්වලාමේ පින්සල අතට ගත්තම අත වෙව්ලනවා ඕයි....හරියට නිකන් සීයා කෙනෙක් වගේ.සීයලත් මීය වඩා හොදට පින්සල් පාවිච්චි කරනවා.ඉතින් කොහොම කොහොම හරි යාන්තම් ඇන්දා .ඇදලා ඉවර වුන ගමන් ඉස්සෙල්ලම කලේ ආපහු හිමීට පොල්තෙල් බෝතලේ ගිහින් තියපු එක.නැවතිල්ලේ බැලුවම හිතට පොඩි සතුටක් ආවා අවසාන ප්‍රතිඵලය දුටුවාම...ඔන්න යාළුවනේ ඇන්ද සිතුවම දැම්මා ඔයාලත් එක්කත් බෙදාගන්න..........



ඉතින් එහෙනම් හැමෝටම ජය වේවා!!!

Thursday, January 12, 2012

සෙල්ලම්ද කොල්ලෝ "ඇහැට කනට පේන එකක් ගලවපියෝ..."


ඔන්න මගේ යාළුවනේ අදත් අරන් ආවා ලස්සන කතා පොඩ්ඩක්.මෙන්න මේකයි කේස් එක.ඔය මගේ යාළුවා තට්ටෙ ඉන්නවනේ දවසක් ඌට ඔය ස්කෝලේ යන කාලේ පොඩි උලව් දත් කැක්කුමක් හැදුනා.අනේ මගේ අම්මෝ මූ දත් ඇන්දම අල්ලගෙන එහෙට දුවනවා මෙහෙට දුවනවා පිස්ෂු කෙලියයි එතන....

ඉතින් බලන් ඉන්න බැරිම තැන අපි මූවත් අරන් ගියා ඩෙන්ටල් එකකට.මූව වාඩි කරලා මම ගිහින් නොම්මරයක් ගත්තා ....

කිරි අප්පේ අංක 42 ...

ඇයි හත්වලාමේ ලංකාවේ මෙච්චර දත් අමාරු කාරයෝ ඉන්නවද? මට නිකන් එලොව පොල් පේන්න ගත්තා.ඉතින් දොස්තර අංකල් බොහෝම අමාරුවෙන් රෑ 8 ට විතර අපේ අංකය කියලා අඩ ගැහුවා.

“තට්ටේ වරෙන් යන්න ....මූ අංක පාස් කරයිද දන්නේ නෑ බොල“ මම ඌට ඇතුලය යන්න අඩගැහුවා.මූ හොදටම බුදි පුටුව උඩට වෙලා.

“වල් මයිනෝ නැගිටපිය මම උඹේ දත් ටික ගලවලා දෙන්න කලින්“ මම උගේ අතින් ඇද්දා..මෙන්න මූ එකපාරටම නින්දෙන් අවදිවෙලා කෑ ගහනවා...

“දත් කඩනවා....ඌයි.....දත් ගලවනවා....මගෙ අම්මෝ.....දත් බදිනවා....බුදු තාත්තේ.....වෑල්ඩිනුත් ඕනි නම් කරනවා .......“

“යකෝ මොන මගුලක්ද මේ.....උඹ ඩෙන්ටල් එකක්ද දැම්මේ හීනෙන්, එහෙමත් නැත්නම් ගැරජ් එකක්ද?“ මම උගේ පිටට අත දිග හැරලා පාරක් දුන්නා.

“කතා කලාද තොල්ලෝ “ ඌ කට අතගගා කියපි.

“ඔව් ඔව් යමන් යමන්, කොටා වරෙන් යන්න ඇතුලට, කට්ටා ,ජොන්ටි උඹලා ඉදහන් එලියේ අපි එනකන්“ මම තට්ටේ ඇදගෙනම ඇතුලට යන්න ගියා.

ජොන්ටි එලියට වෙලා දත් ගලවන්න ආපු නංගියෙක් එක්ක බර කතාවක...

ඔන්න බලාපල්ලකෝ මේ නරියටත් දත් කැක්කුම හැදුන චීත්ත කෑල්ලක් හරි කමක් නෑ වික වික ඉන්න දුන්නොත්.මුන් නම් පුදුම සත්තු .....(ඒ වුනාට මොනා වුනත් ඒකිත් ෆට්ටා ෆැන්ටසි කෑල්ලක් කොල්ලෝ......මගේ හිතේ කොල්ලෝ දෙන චොක්ලට් කාල වෙන්න ඇති දත් කැක්කුම හැදෙන්න ඇත්තේ)හි හි

ඔන්න මමයි කොටයි තට්ටෙයි දොස්තරයගෙ කාමරේට හීන් නූලට රිංගුවා...
නයි කයිද රෝස්පාන්.....

ඒ කාමරේ නිකන් ඇත්තටම පුරාවිද්යා. කෞතුකාගාරයක් වගේ....එක එක ජාතියේ දත්..අවුරුදු 10,20,40,75, එක එක වයස් වල දිග දත් ,කොට දත්,රවුම් දත්,හුරස්චාර්වක දත්,නාලාගිරි දත් අලේ අම්මපා දැක්කම පිස්සු පීකුදු වෙනවා.ඔය අස්සේ ඩොකාගෙ (දොස්තරගෙ) මේසේ උඩ අඩු බඩු ලොරියයි.අලවංගු,කැති,දෑ කැති,කපන කටු,හැම මගුලම එතන.මගේ හිතේ ග්රි.ල් එකකුත් තිබ්බද කොහෙද....

ඕවා දැක්ක පාර අපේ එකා තක්බීර් වෙලා...කොටා උගේ ඔලුව අත ගගා සනහනවා..

“දොයි දොයි දොයි බයිය දොබා........
අතට උදළු ඇහිද ගෙනේ.....දොස්තරයා ලගම එතේ.......
නිදා ගන්න පුතේ දසබිලි මාමගේ අතේ..“

ඒක අහපු පාර මටත් නිකන් කලාන්තේ වගේ හැදුනා....මම හිමීට තට්ටේ ගාවට කිට්ටු කලා.

“මේ දොස්තරයා රිදෙනවද කියලා ඇහුවොත් කියහන් නෑ කියලා හොදද?“ මම උගේ කනට කිට්ටු කරලා කිව්වා.

“ඒ මොතටද බං“

“නෑ යකෝ රිදෙනවනම් ගලවන්නේ නෑ.....ඒ නිසා රිදෙන්නේ නෑ කියහන් හොදද?“ ඌ නිකන් සිල් ගත්ත පූස් පැටියා වගේ ඔළුව හෙලෙව්වා...

ඔන්න ටික වෙලාවකින් ඩොකා එනවා හැදි ගෑරුප්පු ටිකකුයි, දෙකේ දෙකේ පොලු කෑල්ලකුයි, බංඩි කියතකුයි අරන්...ඒත දැක්ක පාර මටත් ලාවට පිප්පි බරක් හැදුනා..

“කෝ ආ...ගාන්න“ ඩොකා කිව්වා.
“ආ... ආ...“මම ඉතින් කට ඇරියා.
“කොයි දතද?“දොස්තර අහපි.
“මගේ නෙමේ ඩොක්ට මෙයාගේ“ මම තට්ටෙව පෙන්නුවා.
“මෙයාගේ“
“ඔව් ඔව් මෙන්න මෙයා“
“එහෙනම් ඕයි තමුසේ කට ඇරියේ“ ඩොකාට අසූහාරදාහට නැගලා.
“ඩොක්ට ආ... ගාන්න කිව්වනේ“ මම පූස් පැටියා වගේ කිව්වා.

“ආ.... ගාන්න කිව්වේ දත ගලවන එකාට ඕයි ....තමුසේ ආ... ගාන්නේ මම අහවල් එකක් ගලවන්නද“
ඇතිනේ ඉතින් අහගත්තා..මම හිමින් සීරුවේ කට වහ ගත්තා.

ඔන්න ඉතින් ඩොක්ට තට්ටෙව අර පඩුපුල් ආසනේ වගේ එකේ වාඩි කරවලා ..ඌ ලගට කිට්ටු වුනා.

“ලමයා මොකක්ද ගලවන්නේ“
“දත ඩොක්...ට දත“ තට්ටේ බෙරිහන් දෙනවා.
“දත තමා බොල තමුසේ හිතුවද මෙතන මම අනිත් ඒවත් ගලවනවා කියලා...“දොස්තරයට ඌරුජුවල්.

“යකෝ අහවල් ඒවා නිරපරාදේ ගලවගන්නේ නැතුව අහන දේට උත්තර දියන්“මම තට්ටෙට කිව්වා.
“බුදු දොස්තර මහත්තයෝ....ඔය ඔය කොනේ දත තමා අවුල“ තට්ටේ කියපි.
“ආ ලමයෝ ඒක නරක් වෙලා වගේ ....මේ ලමයා පැණි රස කනව නේද? වැඩිපුර ඒකයි මේ..“

දොස්තරයා යකඩ කූරක් අරන් ඒ දතට පොඩි තට්ටුවක් දැම්මා.

“රිදෙනවද ලමයා...“
“නෑ නෑ ඩොක්ට .....“
“රිදෙන්නෙම නෑනේ“
“අනේ නෑ ඩොක්ට රිදෙන්නෙම නැතෝ“
“ෂුවර් නේද පුතා..“
“ඔව් ඔව් ඩොක්ට අනේ මගේ අම්මෝ රිදෙන්නේ නැතෝ“මෙන්න මූ අඩනවා ඒ පාර.දැන් නම් දත රිදෙනවා කියලා ඩොකාට මාට්ටු වෙන්න වගේ හදන්නේ....මේ ගුප්පියත් නැට්ට විකාගෙන අඩනවනේ...

“රිදෙන්නේ නැත්නම් මොකටද තමුසේ අඩන්නේ?“ ඩොකා අහපි.

“නෑ නෑ ඩොක්ට මේකයි මෙයා පොඩි කාලේ ඉදලා දත් වලට මාර ආදරෙයි ...තාමත් ඉතින් ඒ වගේම ලව්...ඔය අද එකක් ගලවන නිසා වියෝ දුකටයි මිනිහා අඩන්නේ“ මම මැද්දට පැනලා වැඩේ සෝල් කලා.

“මොන පිස්සුවක්ද මේ දතක් ගලවනවා කියන්නේ නිකන් අතක් පයක් ගලවනවා කියලද හිතන්නේ ......තමුසේ ඔය තරමටම දතට ලව් නම් ගැලෙව්වම දත දෙන්නම් ගෙදර අරන් යන්න ....අරන් ගිහින් ලව් කොර ගන්නවා..තව ඕනි නම් අද ගලවපු දත් තියෙනවා අන්න අර බකට් එකේ.එයින් පාර්සලයක් බැදගෙනත් යනවා ....ඒත් දත් තමයි ඕයි“ දොස්තරයා කියපි.

දොස්තරයා හිමින් හිමින් දත් වලට තට්ටු දානවා .ඒ අස්සේ තට්ටෙ නිකන් කිරි පනුගාය හැදිච්ච එකා වගේ දගලනවා.

“මේක රිදෙනවාද?“
“නෑ ඩොක්ට“
“එතකොට මේක“
“නෑ නෑ “
“මේක නම් පනුවෝ කලා වගේ“
“අයියෝ නෑ ඩොක්ට .....මයෙ අම්මෝ...ඔය තියෙන්නේ කිරි දත් වගේම“ තට්ටේ කෑ ගහනවා.
“ඇයි යකෝ මේක මාර කෙලියක්නේ රිදෙන්නේත් නැතිලු,පනුවො කාලත් නැතිලු එහෙනම් ඕයි මම අහවල් එකද තමුසෙගෙ ගලවන්නේ කියලා තමුසෙම කියනවා“ දොස්තරයා අලවංගුවක් වගේ මොකක්දො ටූල් එකක් අරන් කිව්වා.

“ආනේ බුදු දොස්තර මහත්මයෝ ඔය ඇහට කනට පේන මොකක් හරි ගලවපියෝ....ඔය අලවංගුව නම් දාන්න එපෝ“ තට්ටේ කෑ ගහපි.

කොහොමින් කොහොමහරි හරි අමාරුවෙන් තට්ටෙව වත්තම් කරලා හක්කේ තිබ්බ හුරස්චාර්වක දත් කෑල්ලක් ගලවලා දැම්මා දොස්තරයා.

“හරි මේ යකාව දැන් අරන් යනවා ...උණ එහෙම ආවොත් ආයේ එක්කන් එන්න“ඩොක්ට කිව්වා.

“මගේ බුදුඅම්මෝ ආයෙත් නම් එන්නේ නැතෝ......මම දතට ලෙව් දොස්තර මහත්තයෝ......ආයේ ගලවන්නේ නම් නැතෝ....“ කියාගෙන තට්ටෙ එලියට දිව්වා.දොස්තරයට සමුදීලා මමයි කොටයි දෙන්නත් හීන් සීරුවේ එලියට බැස්සා...

Sunday, January 8, 2012

සෙල්ලම්ද කොල්ලෝ “ රෑ පානේ අපි බෑවා වෑවරේ 3....“

ඔන්න වෑවර කතාවේ අවසාන කොටස...කලින් ඒවා කියෙව්වේ නැත්නම් මෙතනින් ගිහින් කියවන්න

රෑ පානේ අපි බෑවා වෑවරේ 1
රෑ පානේ අපි බෑවා වෑවරේ 2
ඉවර වුන තැන ඉදලා කතාව




පලාතම පට්ට පාළුයි.ඒ මදිවට දොඹ ගෙඩි වගේ හීන් පොදකුත් වැටෙනවා...අනේ අම්මපා දැන් නම් අපි දෙන්නත් වෑවර වගේ.

“වරෙන් බං ඉක්මන් කරලා.....අහවල් මගුලක් කරනවද ඔතන නැවතිලා.ගෙදර එකා පස්සෙන් එනවද දන්නෙත් නෑනේ“ රනේ මගේ ඇගට ගොඩවිය.

“හිටු හිටු මම එනකං......නෑ බං මම මේ කල්පනා කලේ අර යකා නැගිට්ට එකේ වෑවර කපන්න පිහියක් ඉල්ලගෙනම එන්න තිබ්බ.උඹට පුළුවන් නේ හෙට උදේට ආයේ ගෙනත් දෙන්න“

රනේ ආයේ පිටි පස්සට හැරුනා.....නොදකින් අපායට යවපු දැන්වීමක් වගේ උගේ මූණ.ඒ කාලේ හිටියනම් අනිවා මූව ගන්නවා කැටයමක වාමන රූපයකට.අපරාදේ......

සූ සූ සූ.............මගෙ අප්පේ අපි රේල් පාරක් ලගට කිට්ටු වෙලා.සද්දේ දැම්මට මේ වෙලේ කෝච්චි නෑ.රෑට ඉතින් අහවල් දේකට කෝච්චි දුවනවද? අනික් මේ රෑ දෙගොඩ යාමේ.....
රනෙයි මමයි දෙන්නා හිමීට හිමීට රේල් පාර පැත්තට කිට්ටු කලා....

“මචං උඹටත් මට ඇහෙන දේම ඇහෙනවද?“ මම රනේගෙන් ඇහුවා.
“මොකක්ද බං“
“නෑ නෑ කවුරු හරි කතාකරනව වගේ“
“හම් හම් මටත් ඇහුනා,ඒත් බං මේ රෑ කවුද මෙතන“ රනේම ට කිව්වා.
“අනේ මන්දා අවුලක් නෑ වරෙන් යන්න....“ දෙන්නත් එක්ක රෙල් පාරේ එලිය තියෙන පැත්තට ගියා.

අඹ ගහේ ජම්බු.......

මෙන්න අපේ තට්යෙයි,කොටයි,තම්බිය,ජොන්ටියයි .මුන් හතර දෙනා රේල් පාරේ වාඩිවෙලා ලොකු කතාවක්.මමයි රනෙයි හිමීට කිට්ටු කලා ඒ ගොබ්බයො දිහාවට.

“ඇයි බොල ගෙරි මයිනෝ අපි දෙන්න දාලා උඹලා තුන් දෙනා අහවල් ඉටිගෙඩියක මකබෑවුනාද??“ මම තරහින් කෑ ගැහුවා.

“අපි එහෙමයි දත් මදින්නේ“ කොටා අපි දිහා බලලා හිනා වෙලා විරිත්තුවා.
ඉතින් බලා පල්ලා මුන්ට මොනවා කරන්නද කියලා.
අප්පට සිරි මම දැන්නේ දැක්කේ අපි පස්සෙන් දුවපු හොස් එකේ අනිත් කොන මෙන්න කොටා ලග.

“බොල ගුප්පියො උඹ ඔය වතුර හෝස් එක අරන් අහවල් මගුලක් කලාද?“

“නෑ බං අපි වත්ත ඇතුලේ ඉද්දී එක පාරටම ඉස්සරහා ලයිට් එක දැම්මනේ“ කොටා කතාවට මුල පිරුවා.

“ඉතින් ඉතින්...“ඇස් ගෙඩි දෙකම එලියට දාගෙන පටන් ගත්ත ගමන්ම රනේ උදැල්ලක් දැම්මා...

“ඒ අස්සේ මුන් දෙන්නා ගෙදර ගේට්ටුවෙ ඇමිනුනානේ....මම හැරිලා බලද්දී මම විතරයි වත්ත ඇතුලේ මුන් දෙන්නා එලියේ..ඉතින් බං මමත් දුවන්න ගත්තා“ කොටා එක හුස්මට කියවන් ගියා.

“ඇයි යකෝ එතකොට මේ හෝස් එකක් පටලවගෙන මොකක්ද උඹ කල සෙල්ලම“

“කලබලනේ බං...මම හෝස් එක තියෙන බව අමතක වෙලා දුවන්න ගත්තා... මල හත්තිලව්ව කියන්නේ ටැප් එකත් කඩාගෙන අන්තිමට හෝස් එක ගැලවුනේ“ කොටා විරිත්ත විරිත්ත කිව්වා.

ඉතින් බලාපල්ලකෝ මේ ගුස්පියා කරන හදි.තව පොඩ්ඩෙන් ගෙදර එකා අපිට ගහන්නේ හෝස් එකෙන්.

“ඉතින් ඒ පාර උඹ මේ ඉලව්ව ඇදගෙන ආහේ අහවල් එකටද?“ මම කොටාගෙන් ඇහුවා.

“නෑ බං මට මේ කලබල අස්සේ ඕක අමතක වුනා....දුවන කොට තමයි තේරුනේ හෝස් එක තාම අතේ කියලා..“

“උඹේ අමතක විල්ල ගැන නම් කතා කරලා වැඩක් නෑ....උඹලා වල් හාවෝ...ඇයි හත්වලාමේ අපි දෙන්නා ගැන අමතක කරලා ඔහොම දුවනවද?“ මම තරහින් කිව්වා.

“අපි එහෙමයි දත් මදින්නේ“ කොටා විරිත්තලා කිව්වා.
“දත් ....දත් නෙමේ හිවලෝ ගෙදර එකාට අහුවුනානම් අපිට බත් කන්න බැරි වෙන්නේ“
“ඒක නෙමේ උඹලා කොහොමද ආවේ??“ තට්ටේ මැද්දෙන් පැනලා අහපි.

“ගෙදර ලයිට් දැම්මම මමයි රනෙයි පාරට ආවා..උඹලා බලන්න.උඹලා නැති නිසා වට පිට බලද්දී හෝස් එකක් පාරේ ඇදීගෙන යනවා දැක්ක .අපි ඒක පස්සේ දුවලා ආවා..කවුද දන්නේ මේ මගුලේ අනිත් කොන මේ මයිනා ගාව කියලා“

ඔන්න බලාපල්ලකෝ අපේ එවුන්ගේ වැඩ ගෙදර වතුර කරාමෙත් කඩලා..ඒ මදිවට හෝස් එකත් ඇරගෙන ඇවිල්ලා.කොහොම කොහොම හරි අපි රේල් පාර දිගේ ටික දුරක් ඇවිද්දා..මොනවා කරන්නද බැදගත්ත නං බෙරේ ගහපං කියලා හෝස් එක රෝල් කරලා කොටාගේ කරේ එල්ලුවා...

කොහොම හරි ඉතින් බෙල්ලේ හෝස් එකත් දාගෙන කොටා රේල් පාර දිගේ අපිත් එක්ක යනවා.ඌ දැක්කම මට සින්දුවක් මතක් වුනා...

දග ගෙයි දඩුවම් සියුමැලි වැඩිනම් අළුගොසුවනේ එල්ලාපං..........

මූත් කරන අටමගුල් තමා මේ....ටික දුරක් ගිහින් අපි රේල් පාරේ වාඩිවුනා.දෙයියනේ කියලා දිව්වත් මම වෑවර අත් හැරියේ නෑ...ගෙඩි පහක් අතේ.අන්න එහෙමයි අපිත් දත් මදින්නේ.

රෑ දෙකට විතර ඔන්න අපි රේල් පාරේ මේච්චර සෙල්ලම් දාපු වෑවර කෝස් එක ඉවර කලා.රේල් පාර අයිනේ තිබ්බ දුර ලකුනු කරන කනුවක් තමා අපෝ පොල් උල වුනේ...පට්ට ගේමක් දීලා වෑවර හිල් කරගෙන කට්ටියම බිව්වා..

අම්මේ බඩට දැනෙන සනීපයක්.....

වැඩ කිට් එක ඉවර කරලා ඉතින් කට්ටියම ගෙවල් ගියා....ඔන්න අහගනිල්ලා හොදම ආතල් එක අර හෝස් එක අයිති ගෙදර එකා රනේලයි තාත්තට කියලා තියෙනවා

“අපේ ගෙදර හොස් එක උස්සලා මහත්තයෝ .....මම ඕකුන්ව අහුවුනොත් කම්බස් කරනවා “කියලා.

..ඒ වෙද්දිත් හොස් එක රනේගේ ඇද යට.... මේවා ඉතින් අපේ කොටා කල උලව් වැඩ තමා ...ඇයි යකෝ බඩගින්නට වෑවර කඩන්න ගිහින් අපි හොරු වුනා.කොහොම කොහොම හරි අපි ආයෙත් දවසක ඒ ගෙදරට ගිහින් හෝස් එක වත්තට දාලා ආවා....අපිට මොකටද කොල්ලනේ මේ උලව් හෝස්.තව එකක් කියන්න ඕන ඒ ගිය දවසෙත් මුරුසි ගෙඩියක් බොන්න අපි අමතක කලේ නෑ....

ඔන්න ඔහොමයි කොල්ලනේ අවමගුලක් කරන්න ගොහින් අපි වෑවර බෑවේ....ඔය හොල්මන් ගුහාවම රස ආකරයක් ඉදිරියට අනිත් විස්තර ටිකත් දාන්නම්කෝ...ඉතින් හිතහල්ලකෝ උස්සපු ඒවා ආයේ ගෙනිහින් දෙන සැදැහැවත් හොරු නේද අපි??

ඒක කරන එකත් ලේසි නෑ සෙල්ලම්ද කොල්ලෝ....................

Thursday, January 5, 2012

සෙල්ලම්ද කොල්ලෝ “ රෑ පානේ අපි බෑවා වෑවරේ 2....“

ඔන්න එදා නවත්වපු තැන ඉදලා කතාව......කලින් එක කියෙව්වේ නැත්නම් මෙතනින් ගිහින් කියවල එන්නකෝ,සෙල්ලම්ද කොල්ලෝ “ රෑ පානේ අපි බෑවා වෑවරේ 1....“



මම වත්ත ඇතුලට තව තවත් මගේ ඇහැ දැම්මා....දැක්ක දේ මතක් වෙද්දිත් තනි ඇහැට ඇඩෙනවා ...අනෙ මුන්ට සංගයක් කියලා එකක් ඇත්තෙම නෑනේ.

අපේ තට්ටෙ ඌ ඒ ගෙදර පනිට්ටුවක් අරන් ඒකට සබන් දියර වක්කරලා සබන් බෝල හදනවා...අනෙ අම්මප මූට හෝඩියේ පන්තියේ ක්‍රියාකාරකමක් මතක් වෙලාද කොහෙද....ඒ මොනවා වුනත් අපි දන්න විදියට නම් තට්ටේ ඒ කාලේ ඉදලම බෝල හදන්න දස්සයා..

ඔන්න ඉතින් ඒ අස්සේ අපේ ජොන්ටි වතුර පයිප්පයක් ඇරන් මගුලක් කරනවා..ඒ අස්සේ ඌ රෙදි වැලකුත් පටලවගෙන..ඒ ගොබ්බයටත් ඕන චීත්ත කෑල්ලක් වික වික ඉන්න දුන්නොත්.ඔන්න දිය කරපු සබන් බාල්දියත් අරන් තට්ටෙ ඒ ගෙදර තිබ්බ බස් එකක් හෝදනවා...ඇයි හත්ඉලව්වේ අහවල් මගුලකටද අනුන්ගෙ බස් එකක් හෝදන්නේ.....

ඔය සේරටම වඩා හපන් කොටා ඌ ඒ ගෙදර හෝස් එකක් අරන් මිදුලෙ පැල වලට වතුර දානවා..(කොටා වතුර දාන්න හරි හපනා) මම හිතන්නේ ඒ ගෙදර පැල වල ඵලදාව ගන්න වෙන්න ඇති මයෙ හිතේ.ඔය අපේ කොටාගේ ගමන හැමදාම පුටෙන්(ෆුට් බයික්කෙන්) ඕක අරන් තමයි මූ හැම තැනම යන්නේ.ඊට අමතරව රතු පාට ත්‍රීවීල් වලටත් උගේ පොඩි කාලේ ඉදන්ම ආසාවක් තිබ්බා

ඔය අස්සේ මමයි රනෙයි දෙන්නා එකතු වෙලා වෑවර ගෙඩි හයක් හතකුත් බා ගත්තා...ඔන්න ඔහොම ටික වෙලාවක් ගියා ..එක පාරටම මහා සද්දයක් ආවා වත්ත පැත්තෙන්......මම ටිං ගාලා වත්ත ඇතුල බැලුවා අම්මට සිරි පට්ට කලුවරයි ....ගෙදර එකා නැගිටලා ඇවිත් අපේ එවුන් එක්ක පොරයක් වත්ද?....නෑ නෑ එහෙම වෙන්න බෑ මොකද එහෙම ආවොත් ඌ කනවා නැති වෙන්න.

නයි කයිද ගල් බනිස්...“දඩාං දඩාං“..ඒ පාර නම් ආපු සද්දෙ ඒ තරම් හොද නෑ... මම හිතන්නේ මොකෙක් හරි ගුස්පියෙක් ගෙදර ගේට්ටුවේ ඇමිනුනා...මුළු වත්තම කළුවරයි ඇයි හත්වලාමේ අඩු තරමෙ මට රනේ වත් පේන්නෙ නැති තරම්....

රිංගන්න හිතෙනවා ගලක් පල්ලෙ....එක පාරටම දැම්මනෙ බොල ගේ ඇතුලේ ලයිට්..මොන මල ඉලව්වක්ද මේ වෙන්න යන්නේ.....රනේ තාම ගහේ මම ගෙඩි ටික තුරුල් කරගෙන තාප්පේ අයිනේ.....කර කියාගන්න දෙයක් දෙන්නටම මතක් වුනේ නෑ...

කකුල් දෙකේ පිහිට තමයි ඉතින් දැන්....

“බැහැපන් බැහැපන් ලයිට් දැම්මා “ මම රනේගේ කලිසමෙන් ඇද්දා.අප්පා මේකේ පුසුඹ අපේ නැන්දගෙ පුයර බෝතලේ වගේ.....

රනේ සිග සිග ගාලා ගහෙන් බැස්සා....ඌ නම් හැබෑ දස්සයා..
රනෙයි මමයි දෙන්නා ටිං ගාලා තාප්පෙ දිගේ පාරට බඩ ගෑවා...මෙලෝ රෙද්දක් පේන්නේ නෑ...

“රනේ උඹ ඉන්නවනේ....“ මම තකබීර් වෙලා උගෙන් ඇහුවා.
“ඇයි හත්වලාමේ මේ ඉන්නේ“ ඒ පාර නම් ඌ කිව්වේ යක්ෂාරූඞ වෙලා.

කොහොම කොහොම හරි තාප්පේ දිගේ මමයි රනෙයි පාරට ආවා.
අම්මා ගහයි බැට් එකෙන් ......ගෙදර ගේට්ටුව ඇරලා.ඒ මදිවට ලයිට් දාලා වත්ත පුරාම.
හිමීන් සැරේ දෙන්නත් එක්ක වත්ත ඇතුල බැලුවා ..අම්මට සිරි මගේ වයර් ෂෝට් වී ගෙන ආවා...වත්ත මැද වතුර මලක්.ගෙදර අයිතිකාර අංකල් කාරයා අතින් ඒක වහන්න ෆුල් ඩම් එක.ඇයි යකෝ මේ මහ රෑ මොන වතුර මල්ද?....වැඩිවෙලා හිටියොත් අපි දෙන්නගේ වතුර මලුත් වහයි කියලා හිතුන හිනදා හිමින් සීරුවේ රනෙයි,මමයි පාර දිගේ ඉස්සරහට ආවා.

ඔන්න බලාපල්ල යාළුවන්ගේ හැටි.ඇයි යකෝ වෑවර බබා හිටපු අපි දාලා මුන් ටික පැනලා ගොහින්.අනේ ඇත්තමයි හිතෙනවා මේ වෙලාවට එක එකා කම්බස් කරන්න.ඔහොම කළුවරේ ඉස්සරහට එද්දී මටයි,රනේටයි දකින්න ලැබුනා සීන් කෝන් කෑල්ලක්.ඒකත් රස විද විද එද්දී......

කිරි අප්පා මාළුම කාපිය.......මෙන්න පාරේ දිගේ ඇදීගෙන යනවා නිල් පාට හෝස් එකක කොනක්.අහලා ඇතිනේ කතාවක් අර ගිලෙන්න යන එකා ගයිඩ්ගෙ ඇගෙත් එල්ලෙනවයි කියල කතාවක්.ඔන්න ඉතින් පට්ට කළුවරේ පාර අත ගගා ඉස්සරහට ගිය මටයි,රනේටයි මේකත් ඒ වගේ .

“රනේ මේක පස්සෙන් දුවපා...න්“ කියාගෙන පාරේ බිම දිගේ ඇදීලා යන හෝස් එක පස්සේ මම දුවන්න ගත්තා.අනේ ඉතින් කඩපු වෑවරත් තුරුළු කරගෙන අනිත් එවුන්ගේ ගෙවල් වල උදවියත් ආදරෙන් මතක් කර කර අපි දෙන්න රෑ ජාමේ හෝස් එකක් පස්සේ දුවනවා....

“ඒ බං හෝස් එකේ tap එකත් තියෙනවනේ මෙතන....එහෙනම් අනිත් කොන අහවල් එකකද තියෙන්න ඕන.අඩෝ දැන් කාලේ හෝස් දුවනවද බං??“ රනේ මගෙන් අහපි.

මූ නම් යකාම කාපිය.මූට මම ඉතින් මොන ඉලව්වක්ද තේරුම් කොරන්නේ..

“කට වහගෙන දුවපං“ මම එපමණයි කිව්වේ.අනිත් ඒවා මමම කියා ගත්තා...කොහොමින් කොහොම හරි තිත්ත කළුවරේ අපි දෙන්න පැය කාලක් පමණ මැරතන් එක දුන්නා.ඇගේ තිබ්බ හයිය හක්තිය සේරම ගියාද කොහෙද ඒකට......

ඔන්න ඔහොම ඉස්සරහට යද්දී මද පමණ එලියක් දැක්කා.අනේ අප්පේ හිතට නිකන් පිප්පි බර හැදුනා වගේ දැනුනා.මේ කළුවරේ දුවලා දුවලා කකුල් දෙකම ඔකෙස්ට්‍රා ගහනවා....දෙන්නත් එක්ක හොස් එකත් අතින් අරන් ඒ දිහාවට හිමින් සැරේ දුවන්න ගත්තා.

_____මතු සම්බන්ධයි____

Sunday, January 1, 2012

සෙල්ලම්ද කොල්ලෝ “ රෑ පානේ අපි බෑවා වෑවරේ 1....“


ඔන්න මචං අළුත් අවුරුද්දේ ටිකක් වෙනස් වෙන්න ඕනි කියලා කල්පටත් හිතුනා...ඉතින් මගෙ යාළුවන්ට වැහි පොදින් අවුරුදු තෑග්ගක් දෙන්නයි මේ සූදානම මොකක්ද දන්නවද ඒ?මේ හිටපු කාලෙට කල්පයත් සුන්දර , අත්දැකීම් ගොඩාක් එකතු කර ගත්තා..ඉතින් හිතුනා ඒවා කතා මාලාවක් විදියට ඔයාලත් එක්ක බෙදා ගන්න.මොකද කියන්නේ පොඩ්ඩක් වෙනසකටත් එක්ක බෙදාගමු නේද?....හරි එහෙනම් වින්දනීය සිදුවීම් ගොන්නක් කියවන්නට හැකි අයුරින් අකුරු කරන්නට අවසරයි කල්පට වැහි පොදේ....අද ඉදන් ඔයාලට එකතුවෙන්න පුළුවන් වැස්සේ අළුත්ම විශේෂාංගය “සෙල්ලම්ද කොල්ලෝ” එක්ක.ඉතින් පලමු නිර්මාණ පෙල නිසා ඔයාලගෙ අදහස් උදහස් මට ගොඩාක් වටිනවා.ඒවත් දක්වන්න කියලා ආරාධනය කරනවා.

සැ.යු: මෙහි සමහරක් නම් සහ සිදුවීම් මනංකල්පිත ඒවා බවත් හුදු කතාංගයේ රසාස්වාදය කෙරේ පමණක් ඇතුලත් කර ඇත. (හි හි එහෙම කිව්වට ඉතින් බාගෙට බාගයක් ඇත්ත ආතල් තමයි කොල්ලෝ......හි හි)



කිරි කිරියේ උදේ පාන්දර විලි ලැජ්ජාවේ පොඩි අහිංසක ගේමකින් වැඩේ start කොරන්ඩ හිතුනා...ඕං එහෙනම් සෙල්ලම්ද කොල්ලෝ ආ....හි හි හි හි




මේක වුනේ ඔය අපි විද්‍යාලයට යන කාලේ......ඒ කාලේ අපි ඔය ඉස්කෝලේ පොලිස් ඒකකයේ හිටියනේ.(ඕකට එහෙම කියන්නේ අපේ උප විදුහලිපතිතුමා...අපේ එවුන් සතෙක්ගේ නමින් තමයි ඒ උත්තම පුරුෂයා හදුන්වන්නේ. ඒ අපේ එවුන්ගේ කුජීතකම).ඔන්න ඉතින් එක දවසක් අපේ සිත්තරා සෑර් (චිත්‍ර සර්) අපිට කිවුවා අල්ලපු ගමේ කාන්තා විද්‍යාලයක උත්සවයකට අංගයක් කරන්න කියලා....අංගයක් කිවුවට ඒක ඇත්තටම අවමංගල්‍යයක්.මැරෙන්න කලින් හොල්මන් කරන්න තමයිලු තියෙන්නෙ.(හොල්මන් ගුහාවක් කොල්ලෝ)ඉතින් බලාපල්ල අපේ නසරානි සෑර් කාරයත් අපිට සෙට් කරන්නේ ඔය වගේ ගොබ්බ ගොබිල වැඩ තමයි.

ඉතින් ඔන්න අපේ කස්ටියත් එකතු කරගෙන වැඩේට බැස්සා.(බැස්සා කිව්වට තියෙන තැනට ගිය එක තමයි කලේ).කට්ටියම ගෙවල් වලට පානිය දාලා දෙයියනේ කියලා ඔය අවමංගල්‍යයය කරන්න කිව්ව තැනට ආවා කිරි අප්පට නයා ගහපි! යකෝ මේක සහලෝලෙන්ම ගල් තලාවක්නෙ..මේකේ ඔය කියන අවමංගල්ලේ කරන්න ගියොත් දවස් දෙකෙන් තක්කු මුක්කු වෙන්නේ...ආ මට කියන්න අමතක වුනානේ අපේ කස්ටිය ටික කවුද කියලා.මමයි,කොටා,තට්ටෙ,ජොන්ටි,රනේ,ආ එදානම් තම්බිත් හිටියා.ඒකත් කලබ් එකේ නිවාඩු දිනයක් හින්දා.නැත්නම් ඕකා ඒ රෙද්ද අස්සෙමයි.ඔන්න කතාව අස්සේ කොටා කට ඇරියා..කටක් කිවුවට ඒක ලෝකාන්තෙ වගේ.

“බොල, මේකට පුවක් ගස් පහ හයක් ඕන.මොකද කරන්නේ...“

යකෝ මේ ගුස්පියට ගස් වලින් තොර ලොවක් නෑනේ.මේ රෑ මොන ගස්ද?...ගෙදර ඉන්න බැරි අමාරුවට මගුලක් කරන්න ආවා..මූ මේ රෑ ගස් බාන්න කතා කරනවා.ජොන්ටි ඈත ඉදන් මන්තර ජප කරනව වගේ මොනවද කිව්වා.ඇහුන විදියට නම් කොටාගේ අක්කව මතක් කලා වගේ.කොහොම කොහොම හරි අපි රනේලයි ගෙදරට යන්න පටන් ගත්තා....නයි කයිද ගල් පුවක්..! ටික දුරයි යන්න ලැබුනේ මහ හයියෙන් ගල් කැට වගේ වහින්න ගත්තනේ.මොනව කරන්නද? ඇදපිය පුතේ හපුතල් කියලා අපි ඉස්සරහට යන්න ගත්තා..මේ ජරමර අස්සේ අපේ ජොන්ටි ඇවිදින ගමන් පරේ බුදි.. රෑ 11 ට විතර අපි රනේලයි ගෙදරට සේන්දු වුනා..යකෝ මිනිස්සු ගෙදරට එන වෙලාවක්ද මේ...මම පස්සට වෙලාම හිටියා මොකෝ ඉතින් උගේ අම්මා ඇවිත් කොහු පාරක් දුන්නොත් අපේ අය ඒකත් බෙදාගෙන කාවි.අන්න අපේ සෙට් එකේ ෆිට් 1.(එකෙක් නෑර)හි හි හි

උගේ ගෙදරින් බඩ පිරෙන්න මුකුත් නොකා අපි වැඩේට බැස්සා...හොද එකා කියන්නේ ගෙදර ගාවම තිබ්බා රනේ ඊට කලින් දවසේ කපාපු උණ තොගයක්...පුවක් මොකද! උණ මොකද ! අනික ඔය උණ අපේ නායක සංසදෙත් එක්ක ලණුවට කණුව වගේ...අපේ හැම දේටම උණ තිබ්බා.එකනේ දවසක් ඔය අපේ ගොරෝට (අපි ඌට කියන්නේ එහෙමයි) උගේ වයිෆ් නංගි කියල තියෙන්නේ “අයියාට හැම වැඩේටම උණ නේද? කියලා“ මූත් ගල් මයිනා නේ ගත් කටටම කියලා “ඔව් ඔව් නංගිට ඉස්සරහට තේරෙයි කියලා“ අනේ මගේ කට .........ඉතින් ඉතින් මමත් කට ඇරියා බැරිම තැන

“පුදුම බඩ ගින්නක් බං තියෙන්නේ, ගල් බනිස් ගෙඩි 2ක්3ක් තිබ්බනම් මරේ මරු“
“මේ මහ රෑ කොහේද මයිනො ගල් බනිස්,මේ වෙලාවට තියෙන බනිසුත් පොරණුවෙ“ ජොන්ටි මගේ ඇගට ගොඩ විය.
එවන් සිකනලෙකු මරා පාප කර්මයක් කර ගැනීමට මට හිත් නොදීය.

“යමන් යමන් ඉස්සරහට මොනවහරි හොයාගමු“කොටා කට ඇරියා.නොදොකින් කොල බොක්කට යනකම්ම පේනවා..උගේ කට
ඔන්න ඉතින් අපි හිමීට රනේලයි පුරාණ විහාරය යට පාරෙන් ඇවිදන් යන්න ගත්තා.ඌ කියන විදිහට මේකේ ඉන්න තිරුවානාගොඩ ගිරිවංශ හාමුදුරුවෝ කලින් සැතපෙනවලු.ඒකලු මේ පලාතම කට්ට කලුවර මේ තරම් ඉක්මනට පන්සලේ ලයිට් නිවන නිසා....


ඔහොම ඔහොම ගිහින් අපි නැවතුනේ රනේලා ක්‍රිකට් සෙල්ලම් කරන ගල්තලාව ලග.එවෙලෙත් වවුල්ලු අතරේ world cup semi final එකක්.ඔන්න ඉතින් අපි පොඩ්ඩකට වාඩි වුනා.ඒ අතරේ අපේ තමිබිට පිප්පි බරක් හැදිලා බැද්දට රිංගුවා.අපේ එවුන්ට ඈනුමයි ඔය බරයි දෙක තනිවෙන්නේ නෑලුනේ.ඌ යනවා දැක්ක පාර මටත් ඔය ලෙඩේ හැදුනා.

අපේ එවුන්නම් කියන්නේ මට සීනි ලු.වෙන්නැති මොකද ඔය ඒ කාලේ නංගි කෙනෙකුත් එක්ක(ඉස්සර හිටියා) ගලක් පල්ලේ රිංගුව වෙලේ ඒකි මගේ කන හපලා කියපි
“අනේ ඔයා හරි sweet කියලා“ ඈ ඒක කිව්ව ගමන්ම මම ඒකිගෙත් කන හපලා බැලුවා පැණිරසද කියලා.මොකද නැත්නම් කවදාහරි අපේ පොඩ්ඩා සෙවනගල සීන් පැක්ටරියට දෙන්න වෙයිද දන්නේ නෑනේ.ඕක දැකපු ආචිචිකෙනෙක් දෙස් දෙවොල් තියෙනවා “විලි ලැජ්ජ නැති හැ...“ කියලා.ඇයි යකෝ මේක හරි කරුමයක්නේ ඒකිගේ හපන්නේ නැතිව මම මොකෝ ආච්චිගෙ හපන්නද?ඔන්න ඔය වෙලාවට තමයි මට ඉතින් වදුරු කුණුහරුප කටට එන්නේ(බය වෙන්න එපා කටට ආවට මම කියන්නේ නෑ)

ටික වෙලාවකින් තමිබි එනවා දුවගෙන

“අඩේ අප්පා මාර ෂනීපයි බං සතියකින් විතර ඔය බැද්දට රිංගුවේ“
“නොදකින් ගල් හිවලා ,තොගේ අහවල් එක කුනු වෙලා ඇති එහෙනම්“
“කැ..ත වචන කියන්න එපා බං..“
“ඒක නෙමේ මොකෝ උඹ දුවගෙන ආවේ? ඇයි පිප්පි යකා වත් ආවද?“
“පිෂ්ෂුද බං! යේක නෙමේ අතන තියෙනවා මරු මුරුෂි ගහක්, ගෙඩ්ඩි පිරිලා“
“වෑවරත් ඇති එහෙනම්“මම කීය.
“හ්හ්හ්හ්ම්“
“ඔන්න ඕකට තමයි කියන්නේ දෙන දෙයියෝ රෙද්ද අන්දලම දෙනවා කියලා“
“නෑ නෑ එතන ෂෙද්දක් නෑ අප්පා...“
ඉතින් බලහල්ලකෝ මූට අර අපේ ආච්චි කියන අහවල් එකෙන් ගහලත් මදි.

“යමන් යමන්“ රනේ ඉස්සර වුනා.
මමත් උගේ පස්සෙන් ගියා.මොකද ඉතින් මටනෙ වැඩිපුරම බඩ ගින්න.අනිත් එවුන් වාඩි වෙලා ඉදිද්දී අපි දෙන්නා ගල් බැම්ම දිගේ මුරුසි ගහ ලගට ගෑටුවා...

කොහොම කලත් හොරකමක්නේ බොල....

“අඩේ මේකේ උස බලහන්කෝ“

“ඔහොම ඉදහන්කෝ“මම ඌව ඉස්සුවා.

අනේ අම්මපා වත්ත පිටිය වැඩකට නම් අත් වෙව්ලනවා.හොරකමට නම් කියාපු අත් දෙක.මගේ අත් දෙක උඩ නැගලා රනේ තාප්පෙට ගොඩවුනා.අම්මට සිරි මෙන්න මූ සිග සිග ගාලා ගහ දිගේ බඩ ගානවා..මට ඇත්තටම හිතුනා මේ වගේ දක්ෂ ක්‍රීඩකයන්ට රජයෙන් සලකනවා මදි කියලා.ගේ පැත්තෙන් සද්ද බද්ද මුකුත් නෑ.ඒකත් හොදා කිව්වලු.නැත්නම් ඉතින් අපි දැක්කම ගෙදර ගෑනි වෑවර කපන්න පිහියකුත් ගෙනැල්ලා දේවිද කවුද දන්නෙ.පව්නේ රෑ ජාමේ අවදි කරවන එක.ඒ නිසා වෑවර බාන එක අපි දෙන්න හිමීට කරන්න ඉටා ගත්තා.රනේ 1වැනි ගෙඩිය කඩලා මගේ අතට දුන්නා.මම හිමීට ඒක අරන් බිමින් තිබ්බා.මූ දෙවැනි එකත් කරකවන අතරේ මම ආයේ වත්ත පැත්ත බැලුවා...නයි කයිද ගල්බනිස්...!!

ජොන්ටියි ,තට්ටෙයි,කොටයි වත්ත ඇතුලේ.....අඩ අඩා සන්තෝෂේ බෑ..ඇයි යකෝ අහවල් මගුලකටද ඒ රෙද්ද අස්සේ රිංගුවේ.මම තවත් මගේ ඇහැ වත්තට zoom කලා.උන් කරන වැඩේ දැක්කම මට හිතුනා ඇදන් ආව ෂර්ට් එක ගලවලා යටින් ඇදලා යට ත්‍රිකෝනේ උඩින් අදින්න...අනේ අපේ මැරිච්ච බල්ලා පල්ලා..නොදෝකින් මේ වගේ හිවල්ලු ටිකක්.


___මතු සම්බන්ධයි................______